أمين الزقرني

أمين الزقرني

ومن لا يحب صعود الجبال يعش آبد الدهر بين الحفر

لا تكن مسمار في حيط، سافر

ماهي علاقة التونسي ب” المسمار في حيط “؟

التونسي كائن يخاف مالمخاطرة والمغامرة، يحب شهرية ومودال واضح كيف أندادو ويتبع على اللي قبلو.

ديما يحب عندو عرف يقلوا شنوا يعمل بش ما يتحمل حتى مسؤولية، وبعد يضربلو البندير قد ما يحب.

أكبر طموحو يصيف في قليبية ولا بنزرت لا يخمم يسافر يشوف العالم خاطر يشوفها فلوس ضايعة يعمل بيهم حيط خير ياخذ قرض ويكوّن ويفرّخ. ويعديها حياتو يرجع في القروضات.

ولأني ما حبيتش نكون مسمار في حيط قررت بش نهاجر ونخرج من تونس. برشا ماللي دايرين بيا ما شجعونيش وقالولي كيفاش معرس وتخرج؟ ماعادش صغير. كبرت عالخروج تو، أون بلوس مربوط وماكش وحدك. حل كابيني واركش. كيفاش بش تعمل وحدك في الغربة. ألمانيا تسكرت. شادة بعضها بالراسيزم. الناس ولات مروحة لتونس تالمون راسيزم في الأوروب. وتو حاجة كبيرة كي بش تخلص أكثر ملي في تونس؟ العيشة زادة غالية غادي ماتفضل شي كي تجي تحسبها.

ما عطيتش وذني للناس هاذم اللي حاسبين رواحهم ينصحو فيا ومشيت لقدام. تعلمت اللغة الألمانية في عام كنت نقرا فيه اللغة ونخدم في 3 مصحات في المناوبات صباحا مساء ويوم الأحد وأحيانا أسبوع كامل بدون انقطاع. نجحت في امتحان اللغة وقدمت على الفيزا وترفضت. ما وخرتش وبالوقت عملت احتجاج على الرفض رغم أنو لا عندي مودال نتبع عليه ولا ريت حد عمل احتجاج على رفض من السفارة في التجارب اللي سبقتني.

حطيت ساقي في ألمانيا. وصلت.

مازلت كي بديت.

برشا تعطيل إداري وبيروقراطية، وصلت الإقامة جددوها قبل 6 أيام ماللي بش توفى. لكني ما سلمتش. واللي حاجتي بيه وصلتلو ومازالت أهداف أخرى على القائمة.

أما الأكيد أنو الراسيزم ماهوش أكثر من تونس.

View this post on Instagram

#wasserburgaminn #wasserburg

A post shared by Ämin Zgärni (@amin_zgarni) on

لا تكن شجرة، ولا تكن مسمار في حيط.

سافر.

DROP A COMMENT

لن يتم نشر عنوان بريدك الإلكتروني. الحقول الإلزامية مشار إليها بـ *